പൂവമ്പഴം - ചിത്രാവിഷ്കാരം

പ്രയുക്ത ദാർശനികത

ചേട്ടാ, എഴുന്നേല്ക്കൂ.. എന്നോതുന്ന ഭാര്യയെ
കേട്ടില്ലെന്ന് നടിപ്പത് - ആധിപത്യം

അച്ഛനുത്തരമറിയില്ലെന്നു കാട്ടിയ കുഞ്ഞിനെ
പുച്ഛിച്ചടിയറവിലക്കുന്നത് - അഭിമാനം

ഉപദേശിക്കുന്ന നാവിന്റെ വായടപ്പിച്ച്
വീടിന്റെ കോണിൽ ഒതുക്കിയിടുന്നത് - കാലാനുസൃതം

സഹോദരനെ വഞ്ചിച്ച്
സൗധങ്ങൾ പണിയുന്നത് - ആഢ്യത്തം

സഹയാത്രികനെ പരിഗണിക്കാതെ
വ്യക്തിമുദ്ര പതിപ്പിക്കുന്നത് - കേമത്തം

അപരന്റെ നോവിൽ
കൈത്താങ്ങ് പകരുന്നതാണ് - വിഡ്ഢിത്തം.